តាមការបញ្ជាក់ពីសមាគមបាល់ទាត់អង់គ្លេស FA បានបង្ហាញកាលបរិច្ឆេទច្បាស់ការ នៃព្រឹត្តិការណ៍ប្រកួតពានរង្វាន់ Community Shield ដោយនឹងធ្វើឡើងនៅថ្ងៃទី ២៩ សីហា ឆ្នាំ ២០២០។
ពាននេះជាការតតាំងរវាងក្រុមឈ្នះជើងឯកនៅ Premier League ប៉ះគ្នាជាមួយក្រុមឈ្នះជើងឯក FA Cup ហើយគិតមកទល់បច្ចុប្បន្ន យើងមិនទាន់អាចសម្រេចបាននៅឡើយ ថារវាង Arsenal ឬ Chelsea ដែលនឹងក្លាយជាគូប្រជែងរបស់ Liverpool។
គួរបញ្ជាក់ថាការប្រកួតឆ្នាំនេះ ធ្វើឡើងនៅកីឡដ្ឋាន Wembley Stadium ដូចទៅនឹងឆ្នាំចាស់ដែរ។ កាលពីឆ្នាំ ២០១៩ ក្រុមហង្សក្រហមរងបរាជ័យក្រោមថ្វីជើង Man City ដោយការស៊ុតបាល់ប៉េណាល់ទីលទ្ធផលយកឈ្នះ ៥-៤ កាលពីថ្ងៃទី ៤ សីហា៕ ប្រភព៖ FA