កីឡាករ Ben Chilwell បានប្រាប់ទៅថ្នាក់ដឹកនាំក្រុម Leicester City ផ្ទាល់តែម្ដង ថារូបគេចង់ចាកចេញនៅរដូវក្ដៅនេះ ដើម្បីស្វែងរកក្លឹបថ្មីលេង។
ខ្សែការពារវ័យ២៣ឆ្នាំនេះ កំពុងត្រូវបានក្រុម Chelsea ចាប់អារម្មណ៍ខ្លាំងដើម្បីយកមកពង្រឹងតំបន់ខាងក្រោមរបស់ពួកគេ។ ដោយឡែកសាមីខ្លួនវិញ ក៏បានប្រាប់ទៅក្រុម Leicester ដូចគ្នា ថារូបគេចង់ចាកចេញចប់រដូវកាលនេះ ដើម្បីបានស្វែងរកបទពិសោធន៍ថ្មី ជាមួយក្រុមថ្មី ការប្រកួតប្រជែងថ្មីដែរ។ ដូច្នេះហើយ នេះជារឿងល្អមួយសម្រាប់ក្រុមលោក Lampard ក្នុងការទិញយកកីឡាករអង់គ្លេសកំពុងឡើងជើងនេះហើយ។
យុវជនដែលចូលហាត់ជាមួយក្រុម Leicester City តាំងពីអាយុ១២ឆ្នាំនេះ នៅសល់កុងត្រារហូតដល់ឆ្នាំ២០២៤ឯណោះ។ តែការមិនបានលេង UEFA Champions League រដូវកាលក្រោយ គឺជាចំណុចរបត់មួយដែលធ្វើឱ្យ Chilwell សម្រេចចិត្តចង់ចាកចេញពីក្រុម៕ប្រភព Dailymail