ខ្សែការពារ Harry Maguire ថាក្រុម Manchester United នឹងក្លាយជាក្រុមប្រជែងពានរង្វាន់នៅរដូវកាលក្រោយនេះ បន្ទាប់ពីពួកគេធ្វើបានល្អនារដូវកាលនេះ។
បិសាចក្រហម តាំងពីមាន Bruno មកជួយ ពួកគេមានទម្រង់លេងថ្មីមួយ ដែលប្រយុទ្ធល្អ និងទទួលបានជ័យជម្នះជាប់រហូតនៅ Premier League ។ តាំងពីពិន្ទុនៅពាក់កណ្ដាលតារាង រហូតមកដល់ឡើងចំណាត់ថ្នាក់លេខ៣ នេះ ក្រុម Man Utd បានបង្ហាញច្បាស់ថាពួកគេជាក្រុមប្រជែងពានមួយច្បាស់លាស់ណាស់នៅរដូវកាលក្រោយនេះ។
ជាមួយគ្នានេះដែរ ប្រធានក្រុម Harry Maguire ក៏បានមើលឃើញចំណុចនេះដែរ។ អតីតកីឡាករ Leicester City មើលឃើញថាក្រុម Manchester United របស់លោក នឹងបន្ថែមសមាជិកថ្មីទៀតនៅរដូវកាលដោះដូរកីឡាករ ហើយការបន្ថែមកម្លាំងនោះទៀតសោត នឹងធ្វើឱ្យពួកគេកាន់តែរឹងម៉ាំ ហើយរដូវកាលថ្មីខាងមុខនេះ ច្បាស់ណាស់ថានឹងក្លាយជាក្រុមប្រជែងយកពានរង្វាន់ជាមួយក្រុមដទៃទៀតបានហើយ៕ប្រភព Dailymail