លោក Pep Guardiola បានអបអរចំពោះក្រុម Liverpool ដែលអាចលើកពានរង្វាន់ Premier League ជាមួយពិន្ទុ៩៩ពិន្ទុ ដូចកំណត់ត្រារបស់លោកដែរ។
ក្រុមរបស់លោក Klopp នារដូវកាលនេះពិតជាខ្លាំង និងរៀបចំបានល្អមែនទែន។ ពួកគេលើកពានលីគកំពូលជាលើកដំបូងក្នុងរយៈពេល៣០ឆ្នាំមកនេះ គឺមានពិន្ទុលើសក្រុមលេខ២ Man City ដល់ទៅ១៨ពិន្ទុឯណោះ។ ដោយគម្លាតនេះគឺពិតជាឆ្ងាយគ្នាខ្លាំងមែនទែន បើធៀបជាមួយរដូវកាលមុន។
ចំពោះការលេងបានយ៉ាងល្អរបស់ក្រុមហង្សក្រហមនេះដែរ លោក Pep អ្នកចាត់ការក្រុម Man City មើលឃើញថា៖ “ខ្ញុំគិតថា Liverpool កំពុងមានរដូវកាលល្អបំផុតសម្រាប់ពួកគេ។ យើងលេងមិនបានល្អដូចរដូវកាលមុនទេ ខណៈដែលពួកគេវិញ ប្រកួតទាំងអស់ សុទ្ធតែជាប្រកួតផ្ដាច់ព្រ័ត្រ។ ពួកគេខិតខំខ្លាំងមែនទែន គ្រប់វិនាទីនៃការប្រកួត។ ខ្ញុំសង្ឃឹមថាក្រុមរបស់យើងនឹងធ្វើបានល្អវិញនៅរដូវកាលក្រោយ”៕ប្រភព Dailymail
