ក្រុម Valencia បានប្រកាសតែងតាំងអ្នកចាត់ការថ្មីជាផ្លូវការហើយ គឺលោក Javi Gracia អតីតអ្នកចាត់ការរបស់ក្រុម Watford ។
បុរសវ័យ៥០ឆ្នាំខាងលើនេះ បានដឹកនាំក្រុម Watford ឈរនៅលេខ១១កាលនិងឡើងដល់វគ្គផ្ដាច់ព្រ័ត្រ FA Cup កាលពីរដូវកាលមុន។ តែគួរឱ្យសោកស្ដាយ លោកត្រូវបានក្លឹបបណ្ដេញចេញនាដើមរដូវកាលនេះ ក្រោយពីដឹកនាំក្រុមទទួលបានលទ្ធផលមិនល្អ។ រហូតដល់រដូវកាលនេះ ក្រុម Watford បានធ្លាក់ទៅលេងនៅពានរង្វាន់ Championship ទៅហើយ។
ក្រុម Valencia កាលពីរដូវកាលមុននេះ បានដកអ្នកចាត់ការ២រូបចេញឯណោះ គឺលោក Marcelino នៅខែកញ្ញាឆ្នាំ២០១៩ និងលោក Albert Celades កាលពីខែមុននេះ។ ក្រុមដែលមានម្ចាស់ជាសេដ្ឋីសិង្ហបុរីនេះ មានមហិច្ឆតាខ្ពស់ ដូច្នេះទើបបានជាគ្រូណាដឹកនាំមិនល្អ នឹងត្រូវដកចេញ៕ប្រភព Dailymail