ក្រុម Juventus បានលើកពានរង្វាន់ Serie A ហើយកាលពីយប់មិញនេះ ក្រោយពីពួកគេបានយកឈ្នះលើក្រុម Sampdoria ក្នុងលទ្ធផល ២-០។
នេះជាលើកទី៩ហើយដែលក្រុម Juventus លើកពានលីគកំពូល ហើយក៏ជាការឈ្នះពានជាប់ៗគ្នា៩ឆ្នាំចុងក្រោយនេះផងដែរ។ មួយវិញទៀត សម្រាប់អ្នកចាត់ការ Sarri វិញ នេះជាពានរង្វាន់ធំលើកដំបូងហើយក្នុងអាជីពរបស់លោក ពោលគឺតាំងពីដឹកនាំក្រុមមក មិនដែលឈ្នះពានលីគកំពូលឡើយ។
ងាកទៅ Ronaldo វិញ ក្រោយពីបានជួយក្រុម Juventus លើកពានហើយ រូបគេបានផ្ញើសារមួយទៅអ្នកគាំទ្រថាពានរង្វាន់នេះ គឺសម្រាប់អ្នកគាំទ្រគ្រប់គ្នា។ ជាពិសេសគឺសម្រាប់ប្រជាជនដែលបានរងគ្រោះ និងកំពុងជួបបញ្ហាដោយសារតែមេរោគ Covid-19 ។ ខ្សែប្រយុទ្ធរូបនេះ ក៏បន្ថែមថាសូមឱ្យគ្រប់គ្នាតស៊ូ ប្រឹងប្រែង ដើម្បីយកឈ្នះលើមេរោគក៏កាចសាហាវនេះឱ្យបាន៕ប្រភព Bbc