ប្រធានក្លឹប Barcelona លោក Josep Maria Bartomeu បានចេញមុខមកនិយាយសារជាថ្មី ពាក់ព័ន្ធនឹងអនាគតរបស់ Lionel Messi ដោយថាបុរសសញ្ជាតិអាហ្សង់ទីន នឹងមិនចាកចេញទៅណានោះឡើយ។
ចចាមអារ៉ាមនៅប៉ុន្មានថ្ងៃចុងក្រោយ ល្ហិចល្ហៀងថាឪពុករបស់ M10 បានទិញផ្ទះមួយខ្នងប្រេទុកហើយស្រេច គ្រាន់បានស្នាក់អាស្រ័យពេលទៅចរចាជាមួយក្លឹប Inter Milan នាខែសីហានេះ។
ឆ្លើយតបប្រាប់ Mundo Deportivo ប្រធានក្លឹប Barca និយាយទាំងទំនុកចិត្តថា៖ “Messi គេបាននិយាយច្រើនដងហើយថាគេចង់ចូលនិវត្តនៅទីនេះ អ៊ីចឹងខ្ញុំគ្មានអ្វីត្រូវសង្ស័យថាគាត់នឹងមិនចុះហត្ថលេខាបន្តកុងត្រាថ្មីនោះទេ”។
ដោយឡែកពាក់ព័ន្ធនឹងរឿងការទិញ Neymar ក៏ដូចជា Lautaro Martinez លោកទទួលស្គាល់ថាក្លឹបបានស្ថិតក្នុងការចរចាមែន តែស៊ីសងលើការយល់ព្រមពីភាគីម្ខាងទៀតសិន។ លោកសង្កត់ធ្ងន់៖ “ឥឡូវនេះយើងកំពុងធ្វើការសម្រេចចិត្តលើកីឡាករ អ៊ីចឹងបើការចរចាគ្មានការដោះដូរ [បន្ថែមកីឡាករជាថ្នូរ] ទេនោះ វាពិតជាពិបាកនឹងឲ្យអ្នកថ្មីមកចូលរួមណាស់”។
លោកបន្ត៖ “ពិតណាស់ ជាមួយ Inter យើងក៏បាននិយាយជាមួយពួកគេហើយដែរ តែសំខាន់ពេលនេះគឺនៅជាប់គាំងមិនទាន់បន្តការចរចាទេ”៕ ប្រភព៖ AF