ខ្សែការពាររបស់ក្លឹប Everton គឺកីឡាករ Leighton Baines បានបញ្ជាក់ពីការចូលនិវត្តជាផ្លូវការ ក្រោយប្រលូកក្នុងវិស័យបាល់ទាត់អស់រយៈពេល ១៨ ឆ្នាំមកនេះ។
បុរសវ័យ ៣៥ ឆ្នាំក៏មានឈ្មោះចូលលេងនាមជាកីឡាករបម្រុងនៅការប្រកួតជុំទី ៣៨ ឲ្យស្ករគ្រាប់ Everton កាលពីយប់មិញផងដែរ តែត្រឹមទទួលរងបរាជ័យក្រោមថ្វីជើងក្រុមភ្ញៀវ Bournemouth ១-៣។
បញ្ជាក់ថា Baines បានបង្ហាញខ្លួន ៤២០ ប្រកួតសម្រាប់ Everton ដោយធ្លាប់រកបាន ៣៩ គ្រាប់សរុប ក្រោយពីផ្ទេរចេញពី Wigan នៅឆ្នាំ ២០០៧។ តាមពិតទៅភាពមិនប្រាកដប្រជាពីអនាគតរបស់គេ គឺកើតឡើងយូរណាស់មកហើយ ក្រោយពេលដែល Lucas Digne មកចូលជំនួសជម្រើសដំបូងរបស់កីឡាករជើងចាស់រូបនេះ។
ប្រាប់នៅសេចក្តីថ្លែងការណ៍ ក្រោយបញ្ចប់ការប្រកួត Baines និយាយ៖ “ខ្ញុំពិតជាមានមោទនភាពខ្លាំងណាស់សម្រាប់ការបង្ហាញខ្លួនឲ្យ Everton ១៣ ឆ្នាំមកនេះ ហើយការសម្រេចចិត្តចូលនិវត្តនេះសម្រាប់ខ្ញុំគឺវាពិតជាពិបាកខ្លាំង”៕