នៅសេសសល់ ២ ជុំទៀតសម្រាប់ការប្រកួតក្នុងក្របខ័ណ្ឌ Serie A ហើយបើទោះបីជាតំណែងក្រុមឈ្នះជើងឯកយើងបានរកឃើញហើយក្តី ប៉ុន្តែតំណែង Top Scorer មិនថាតែនៅក្នុងលីគ និងប្រចាំតំបន់អឺរ៉ុប កំពុងស្ថិតលើការប្រកួតប្រជែងនៅឡើយ។
៣ គ្រាប់យប់មិញរបស់ Ciro Immobile បានកើនឡើងដល់គ្រាប់បាល់ទី ៣៤ ហើយ ស្របពេលដែល Crisitano Ronaldo ធ្វើបាន ១ គ្រាប់ឡើងដល់ ៣១ គ្រាប់។ ៣៤ គ្រាប់របស់ Immobile គឺតាមស្មើនឹង Robert Lewandowski បែបនេះប្រសិនណា ២ ជុំសេសសល់លោករកបានតែ ១ គ្រាប់ទៀត នោះពានស្បែកជើងមាស European Golden Boot ប្រចាំរដូវកាល ២០១៩/២០ នឹងធ្លាក់មកដល់កីឡាកររបស់ Lazio រូបនេះ។
បញ្ជាក់ថា ២ ជុំដែលនៅសល់ Lazio ត្រូវប៉ះ Brescia នាថ្ងៃព្រហស្បតិ៍សប្តាហ៍ក្រោយ មុនប្រកាសបើកការប្រកួតបិទជុំទល់ Napoli នា ៤ ថ្ងៃបន្ទាប់៕ ប្រភព៖ BBC