អ្នកចាំទី Pepe Reina បានចាត់ទុកការជួយ Aston Villa រក្សាខ្លួននៅ Premier League បាន គឺជាជោគជ័យបំផុតក្នុងអាជីពរបស់ខ្លួន។ក្រុម Aston Villa នឹងត្រូវប្រកួតជាមួយក្រុម West Ham នៅម៉ោង១០យប់នេះ សម្រាប់ការប្រកួតសប្ដាហ៍ចុងក្រោយនៃក្របខណ្ឌ Premier League ។ ក្រុម Aston Villa ត្រូវការជ័យជម្នះសម្រាប់ប្រកួតចុងក្រោយនេះដាច់ខាត ដើម្បីឱ្យពួកគេអាចរក្សាខ្លួនគេចចេញពីតំបន់កាត់ចោលបាន ព្រោះបច្ចុប្បន្ននេះ ពួកគេមានត្រឹម៣៤ពិន្ទុប៉ុណ្ណោះ ឈរនៅចំណាត់ថ្នាក់លេខ១៧ ខណៈដែលក្រុម Watford វិញ ក៏មាន៣៤ពិន្ទុដូចគ្នានៅលេខ១៨។
ជាមួយការប្រកួតចុងក្រោយនេះដែរ អ្នកចាំទី Pepe Reina បាននិយាយថា៖ “ខ្ញុំបានចាត់ទុកថ្ងៃនេះ ជាថ្ងៃពិសេសបំផុត។ ប្រសិនបើយើងអាចធ្វើវាបាន យើងនឹងសុវត្ថិភាព។ ខ្ញុំនឹងចាត់ទុកវាជាជោគជ័យធំបំផុតក្នុងអាជីពរបស់ខ្ញុំ បើសិនអាចជួយ Aston គេចចេញពីតំបន់កាត់ចោលបាន”៕
ប្រភព៖ DailyMail