លោក Rodgers អ្នកចាត់ការក្រុម Leicester City បានបញ្ជាក់ថាប្រសិនបើមិនអាចចូលលេង UEFA Champions League ទេ នោះជារឿងដែលគួរឱ្យសោកស្ដាយបំផុត។នៅរាត្រីនេះ ការប្រកួត Premier League នឹងឈានចូលសប្ដាហ៍ចុងក្រោយហើយ ដោយក្រុម Leicester City នឹងត្រូវតតាំងជាមួយក្រុម Manchester United នៅម៉ោង១០យប់។ ការប្រកួតនៅយប់នេះ គឺពិតជាស្វិតស្វាញខ្លាំងហើយ ព្រោះ Leicester City ត្រូវការឈ្នះបិសាចក្រហមដាច់ខាត ទើបពួកគេមានឱកាសលេង UEFA Champions League បាន។
សម្រាប់ការប្រកួតនេះដែរ លោក Rodgers និយាយថា៖ “វាជារឿងអស់សង្ឃឹមមួយ ប្រសិនបើយើងមិនអាចលេង UCL បាន។ យើងបានស្ថិតនៅកន្លែងសុវត្ថិភាពមួយកន្លងមកនេះ ប៉ុន្តែវាបានផ្លាស់ប្ដូរច្រើនមែនទែន។ វាបានបញ្ជាក់ថាយើងត្រូវតែពង្រឹងសមត្ថភាពបន្ថែមទៀត ទើបអាចលេង UCL បាន។ ក្រុមទាំងអស់ បានហ្វឹកហាត់យ៉ាងល្អក្នុងការត្រលប់មកវិញនេះ ខណៈដែលយើងហាក់ដូចជាធ្វើមិនបានល្អសោះប៉ុន្មានប្រកួតមកនេះ”៕