ក្រុមកាំភ្លើងធំ Arsenal នៅរដូវកាលនេះ គឺជារដូវកាលអាក្រក់បំផុតរបស់ពួកគេរយៈពេល២៥ឆ្នាំមកនេះ ដោយសល់១ប្រកួតចុងក្រោយ ហើយអាចមានចំណាត់ថ្នាក់ខ្ពស់បំផុតត្រឹមលេខ៨ក្នុងតារាង។
ត្បិតតែមានរដូវកាលមិនល្អយ៉ាងនេះក្ដី ប៉ុន្តែសម្រាប់លោក Arteta នៅតែជឿជាក់លើការដឹកនាំរបស់ថ្នាក់ដឹកនាំជានិច្ច។ លោករំពឹងថានៅរដូវកាលដោះដូរកីឡាករខាងមុខនេះ នឹងមានការផ្លាស់ប្ដូរកីឡាករច្រើន ហើយក្រុមកាំភ្លើងធំក៏អាចនឹងធ្វើបានល្អឡើងវិញផងដែរសម្រាប់រដូវកាលថ្មី។
លោក Arteta បានអះអាងថា៖ “ខ្ញុំអាចនិយាយបានថាខ្ញុំមានទំនុកចិត្តជាមួយអ្វីដែលម្ចាស់ក្លឹបបានធ្វើ។ ខ្ញុំដឹងច្បាស់ថាខ្ញុំមកដឹកនាំក្រុមនេះនឹងជួបបញ្ហាអ្វីខ្លះ ប៉ុន្តែគ្រប់យ៉ាងនឹងអាចដោះស្រាយបាន ដោយគ្រាន់តែត្រូវការពេលវេលាបន្តិចប៉ុណ្ណោះ”៕ប្រភព Dailymail
