Leroy Sane បានបង្ហើបនូវដំណឹងភ្ញាក់ផ្អើលមួយ កាលពីពេលថ្មីៗនេះ ដោយថា Kai Havertz នឹងចាកចេញពី Bayer Leverkusen ហើយទៅចូលរួមនៅក្លឹបតោខៀវ Chelsea ដូចចចាមអារ៉ាមកំពុងផ្ទុះពិតមែន។
Havertz និង Sane ជាមិត្តរួមសញ្ជាតិអាល្លឺម៉ង់រួមគ្នា ប៉ុន្តែអ្នកទាំងពីរមិនធ្លាប់លេងរួមក្លឹបជាមួយគ្នាកន្លងមកឡើយ។
និយាយអំឡុងការបង្ហាញខ្លួនផ្លូវការ នាមជាកីឡាកររបស់ Bayern ខ្សែប្រយុទ្ធ Sane ថា៖ “វាជារឿងល្អសម្រាប់ Chelsea ដែលចុះហត្ថលេខាយកបានកីឡាករអាល្លឺម៉ង់ដ៏ពោរពេញដោយទេពកោសល្យ ២ រូប មាន Timo Werner និង Kai Havertz នៅរដូវក្តៅនេះ”។
បញ្ជាក់ថា Havertz នារដូវកាល ២០១៩/២០ រកបាន ១៧ គ្រាប់និង Assist ៧ លើកឲ្យក្លឹប Leverkusen ហើយគេបានស្ថិតក្រោមរ៉ាដាចង់បានរបស់ Chelsea រយៈពេលច្រើនខែមកហើយ។ ប្រសិនជាការពិតនោះគេនឹងក្លាយជាការចុះហត្ថលេខាធំបំផុតទី ៣ របស់ Chelsea បន្ទាប់ពី Werner និង Ziyech៕
ប្រភព៖ AF