Chelsea បានរងបរាជ័យក្នុងការដាក់សំណើ នាំយក Jan Oblak មកចូលរួមនៅ Stamford Bridge ក្រោយ At Madrid បដិសេធ ពោលមិនចង់បាន Kepa លើការដោះដូរនោះឡើយ។
យ៉ាងណាមិញក្លឹបតោខៀវហាក់មិនបោះបង់ការចង់បានអ្នកចាំទីថ្មីរបស់ខ្លួនទេ ដោយពួកគេបានបន្តសំណើនេះទៅកាន់ក្លឹបយក្សកាតាឡាន់វិញម្តង ពោលគឺចង់បាន Ter Stegen ជាការដោះដូរ។
តាមរបាយការណ៍ពី Mundo Deportivo បានចុះផ្សាយ តោខៀវចង់ប្រើប្រាស់ Kepa Arrizabalaga ជាថ្នូរលើការនាំយក Stegen ចេញពី Camp Nou ដោយមានការចរចានូវការថែមថយសមស្របណាមួយតាមដែលអាចធ្វើទៅបាន។
ប៉ុន្តែភាគរយខ្ពស់គេជឿថា សំណើនេះកាន់តែពិបាកជាងការចរចាយក Oblak ចេញពីទឹកដី Wanda Metropolitano ទៅទៀត ព្រោះ Barcelona គឺព្យាយាមចងជើងអ្នកចាំទីសញ្ជាតិអាល្លឺម៉ង់របស់ខ្លួនរយៈពេលយូរណាស់មកហើយ ណាមួយគុណភាពនៃការសង្គ្រោះបាល់របស់គេក៏នៅតែធ្វើបានល្អដដែល។ កន្លងមក Stegen ក៏បានជាប់ឈ្មោះជាកីឡាករល្អបំផុតប្រចាំរដូវកាលនៃក្រុម Barca ដោយទទួលសំឡេងបោះឆ្នោតខ្ពស់ជាង Lionel Messi ទៀតផង៕
ប្រភព៖ GiveMeSports