Kai Havertz ជារ៉ាដាចុងក្រោយ ដែល Chelsea ហាក់កំពុងព្យាយាមអូសទាញឲ្យមកចូលរួមនៅ Stamford Bridge អំឡុងទីផ្សារដោះដូររដូវក្តៅនេះ។
មានចចាមអារ៉ាមជាច្រើន ល្ហៀងៗថា Leverkusen អាចនឹងលក់ Havertz ឲ្យតោខៀវនៅខែសីហា ដោយឡែកពាក់ព័ន្ធនឹងកិច្ចព្រមព្រៀងនៃការផ្ទេរចេញនោះ សម្រាប់កីឡាករអាល្លឺម៉ង់ក៏អាចនឹងជាប់ឈ្មោះជាកីឡាករស៊ីថ្លៃបំផុតមួយនៅ Chelsea ទៀតផង។
បុរសវ័យ ២១ ឆ្នាំលេចលឺថាអាចទទួលបានថ្លៃពលកម្មប្រមាណ ១៤០ ០០០ ផោន/សប្តាហ៍លើកុងត្រា ៥ ឆ្នាំជាមួយក្រុមរបស់លោក Frank Lampard បែបនេះគេនឹងក្លាយជាកីឡាករទី ៥ នៅ Chelsea ដែលអាចរកបានចំណូលខ្ពស់បំផុតហើយ។
នោះគឺនៅទាបជាង Timo Werner ទទួលបាន ១៧០ ០០០ ផោន/សប្តាហ៍ និង Kepa/Kante ទទួលបាន ១៥០ ០០០ ផោន/សប្តាហ៍ ក៏ដូចជា Christian Pulisic ទទួលបាន ១៤៥ ០០០ ផោន/សប្តាហ៍៕
ប្រភព៖ GiveMeSport