អតីតជើងចាស់នៅ Arsenal លោក Paul Merson ថ្មីៗនេះបានបង្ហាញការយល់ឃើញ ចំពោះការដឹកនាំរបស់ Frank Lampard ថាសក្តិសមនឹងបានឈ្នះពាន អ្នកចាត់ការល្អបំផុតនៅ Premier League ប្រចាំឆ្នាំ។
ក្រោយចូលមកជំនួស Sarri លោក Lampard បានបង្វែរស្ថានភាពដុនដាបរបស់ Chelsea ឲ្យមកទទួលជោគជ័យយ៉ាងជាប់លាប់វិញ មិនថាតែការប្រកួតនៅ PL និងពានរង្វាន់ក្នុងស្រុក។ កន្លងទៅ Chelsea បានយកឈ្នះ ៣-១ លើ United ឆ្ពោះទៅកាន់វគ្គផ្តាច់ព្រ័ត្រ FA Cup ដែលនេះជាក្តីសង្ឃឹមនៃពានដំបូងសម្រាប់រដូវកាលទី ១ របស់ Lampard។
បញ្ជាក់ប្រាប់ Sky Sports លោក Merson និយាយ៖ “ខ្ញុំគិតថា Chelsea ពិតជាអស្ចារ្យខ្លាំង ពេលប៉ះ United ពោលគឺពិតជាល្អខ្លាំងណាស់ ដោយ នេះ Chelsea នៅសេសសល់ប្រកួតទល់ Liverpool និងប៉ះ Wolves ហើយ Lampard គាត់ដឹងខ្លួនឯងហើយថាប្រសិនឈ្នះ FA Cup នោះនឹងក្លាយជាជោគជ័យដ៏ធំសម្បើមមួយ”។
លោកបន្ត៖ “សម្រាប់ឆ្នាំដំបូងនៅលីគកំពូល ទាំងដែលក្លឹបមិនអាចទិញចូលកីឡាករ អ៊ីចឹងលទ្ធផលប៉ុណ្ណេះគាត់សក្តិសមនឹងទទួលបាននាមជាអ្នកចាត់ការល្អបំផុតប្រចាំឆ្នាំហើយ”៕ ប្រភព៖ Metro