Frank Lampard នឹងត្រូវដឹកនាំក្រុមតតាំងជាមួយក្រុមជើងឯក Liverpool នៅម៉ោង២:១៥នាទីយប់នេះ ក្នុងការប្រកួត Premier League សប្ដាហ៍ទី៣៧។ សម្រាប់ប្រកួតនេះ Chelsea ត្រូវការឈ្នះជាចាំបាច់ ហើយប្រសិនបើពួកគេឈ្នះ នោះកៅអី Champions League នឹងបានដោយស្វ័យប្រវត្តិហើយ។ ខណៈដែលក្រុម Liverpool វិញ ក្នុងដីខ្លួនឯងក៏ត្រូវការឈ្នះដូចគ្នា ព្រោះពួកគេនឹងធ្វើពិធីលើកពាននៅរាត្រីនេះតែម្ដង។
យ៉ាងណាក៏ដោយ សម្រាប់លោក Lampard បានចាត់ទុកថារឿងកៅអី Top4 ទោះបានឬមិនបាន វាមិនមែនជាបញ្ហាខ្លាំងសម្រាប់ក្រុម Chelsea ឡើយ។ លោកជឿជាក់ថារដូវកាលដំបូងរបស់ខ្លួន ពិតជាពិបាក ប៉ុន្តែការសម្រេចបានដល់ពេលនេះ គឺជាមោទកភាពមួយទៅហើយ។ ការលេងជាក្រុមឱ្យបានល្អ ទើបជាអ្វីដែលលោកត្រូវការពិតប្រាកដ៕ប្រភព Dailymail
