បកស្រាយឲ្យអស់ចម្ងល់ពាក់ព័ន្ធនឹងអនាគតមិនប្រាកដប្រជារបស់ Cristiano Ronaldo ក៏ដូចជាអ្នកចាត់ការលោក Maurizio Sarri ទីបំផុតនាយកជាន់ខ្ពស់ប្រចាំក្លឹប Juventus គឺលោក Fabio Paratici បានចេញមុខមកបកស្រាយហើយ។
និយាយប្រាប់កាលពីពេលថ្មីៗនេះ Paratici សង្កត់ធ្ងន់៖ “Sarri នឹងបន្តជាអ្នកចាត់ការ Juventus នៅឆ្នាំក្រោយ ហើយ Ronaldo ក៏ដូចគ្នា ដែលយើងធានាថាគាត់នឹងបន្តនៅជាមួយយើង”។ ជាសារបញ្ជាក់ប្រាប់ Sky Sport។
ផ្សាភ្ជាប់នឹងរឿងនេះ លោកក៏បន្ថែមដល់អនាគតរបស់ Dybala ដែលកុងត្រាត្រូវផុតនៅឆ្នាំ ២០២២៖ “យើងរមែងបាននិយាយជាមួយអ្នកតំណាងរបស់ Dybala ដែរ ដោយយើងបន្តស្វែងរកដំណោះស្រាយដែលរុញឲ្យគេអាចបន្តឈរជើងជាមួយយើងនៅថ្ងៃខាងមុខ”៕ ប្រភព៖ BeSoccer