Toni Kroos ត្រូវបានគេស្គាល់ថាជាកីឡាករដែលមានជំនាញខាងបញ្ជូនបាល់ដ៏ល្អមួយរូបលើទីលានប្រកួត ដែលរុញឲ្យតំណែងខ្សែបម្រើរបស់គេជាមួយក្លឹប Real Madrid មិនធ្លាប់មានភាពរកាំរកូសសោះឡើយចាប់តាំងពីផ្ទេរមកចូលរួម។
បន្ទាប់ពី Real Madrid លើកពាន LaLiga រដូវកាល ២០១៩/២០ យើងក្រឡេកទៅមើលស្ថិតិរបស់ Kroos ពាក់ព័ន្ធនឹងការបញ្ជូនបាល់ គឺឃើញថា គេមានអត្រាបញ្ជូនបាល់ជោគជ័យមិនដែលក្រោម ៩១ ភាគរយឡើយនៅ ៥ រដូវកាលជាប់ៗគ្នា។ នេះបើតាមស្ថិតិចេញផ្សាយដោយ ProFootballDB។
យ៉ាងហោចណាស់ក៏មានការបញ្ជូនបាល់ជោគជ័យ ១ ៩០០ លើកដែរចេញពីជើងខ្សែបម្រើសញ្ជាតិអាល្លឺម៉ង់នៅក្នុងមួយរដូវកាល តួយ៉ាងមានដូចជា៖
- រដូវកាល ២០១៥/១៦ អត្រាជោគជ័យ ៩៣,៤៧ ភាគរយ (២ ២៧៧ ក្នុង ២ ៤៣៦ លើកសរុប)
- រដូវកាល ២០១៦/១៧ អត្រាជោគជ័យ ៩១,៨៧ ភាគរយ (១ ៩១០ ក្នុង ២ ០៧៩ លើកសរុប)
- រដូវកាល ២០១៧/១៨ អត្រាជោគជ័យ ៩២,៦ ភាគរយ (១ ៩២៧ ក្នុង ២ ០៨១ លើកសរុប)
- រដូវកាល ២០១៨/១៩ អត្រាជោគជ័យ ៩២,៨៧ ភាគរយ (១ ៩៣២ ក្នុង ២ ០៧៨ លើកសរុប)
- រដូវកាល ២០១៩/២០ អត្រាជោគជ័យ ៩៣,១៧ ភាគរយ (២ ១៨២ ក្នុង ២ ៣៤២ លើកសរុប)៕