ក្រុម Manchester City កំពុងចរចាទិញយកខ្សែការពារ Nathan Ake ពីក្រុម Bournemouth ក្នុងតម្លៃខ្លួន៤០លានផោន នៅរដូវកាលក្រោយនេះ។
លោក Pep នៅតែស្វែងរកខ្សែការពារល្អមកពង្រឹងក្រុមដដែលសម្រាប់រដូវកាលថ្មីខាងមុខនេះ។ លោកបានមើលឃើញសមត្ថភាពរបស់ Ake របស់ក្រុម Bournemouth ជាងគេ ហើយក៏បានបញ្ជូនក្រុមការងារដើម្បីទៅចរចាទិញយកផងដែរ។ ដោយសារតែក្រុម Bournemouth ជាក្រុមដែលត្រូវធ្លាក់ទៅលេងនៅលីគក្រោមស្រាប់ ដូច្នេះការចង់បានរបស់ Man City លើកីឡាករ Ake ហើយផ្ដល់តម្លៃខ្លួនខ្ពស់ទៀតនោះ គឺមិនមែនជារឿងពិបាកនោះទេ។
រំលឹកថាកីឡាករវ័យ២៥ឆ្នាំខាងលើនេះ ក៏មានក្លឹប២ទៀតប្រជែងជាមួយ Man City ដែរ គឺ Chelsea និង Manchester United ។ តែបើតាមប្រភពនៅអង់គ្លេស ក្រុមរបស់លោក Pep គឺមានភាគរយច្រើនជាងគេ ក្នុងការយកបានកីឡាករសញ្ជាតិហុល្លង់រូបនេះ៕ប្រភព Dailymail
