ក្រុមតោខៀវ Chelsea បានត្រៀមកញ្ចប់ទឹកប្រាក់៩០លានផោនរួចជាស្រេចហើយ ដើម្បីទិញយកកីឡាករវ័យក្មេង Kai Havertz ពីក្រុម Bayer Leverkusen ។
តោខៀវ បានប្រមូលទិញយុវជនល្អៗជាច្រើនរបស់អាល្លឺម៉ង់។ ដោយក្នុងនោះ Kai Havertz របស់ក្រុម Bayer Leverkusen ក៏ជាគោលដៅសំខាន់សម្រាប់ក្រុមលោក Lampard ចង់បានផងដែរ។ ពួកគេបានត្រៀមជាស្រេចកញ្ចប់ប្រាក់រហូតដល់៩០លានផោន ដើម្បីផ្ដាច់កុងត្រា ដោយក្រុម Leverkusen ក៏ទំនងជាព្រមជាមួយតម្លៃនេះដែរ។
ក្រុម Chelsea មិនទាន់បើករដូវកាលស្រួលបួលផង ពួកគេបានចំណាយប្រាក់ជាច្រើនដើម្បីកក់ទុកកីឡាករល្អៗខ្លះទៅហើយ។ ជាក់ស្ដែង ពួកគេទិញបាន Timo Werner ក្នុងតម្លៃ៥០លានផោន និង Hakim Ziyech ក្នុងតម្លៃ៣៧លានផោន។ ហើយបើការព្រមព្រៀងជាមួយ Kai សម្រេចទៀត នោះក្រុមរបស់លោក Lampard ចាយប្រាក់១៧០លានផោនទៅហើយនៅត្រឹមពេលនេះ៕ប្រភព Dailymail