ស្ថាប័ន France Football បានប្រកាសមុននេះបន្តិច ថានៅឆ្នាំ ២០២០ មិនមានការកំណត់អ្នកចាញ់ឈ្នះនៃពានរង្វាន់ Ballon d’Or នោះឡើយ ហេតុផលក៏ដោយសារការផ្អាកនៃបាល់ទាត់ពោលក្នុងស្ថានភាពជំងឺ COVID-19 រីករាលដាលខ្លាំងកាលពីប៉ុន្មានខែមុន។
នេះជាលើកដំបូង រាប់តាំងពីឆ្នាំ ១៩៥៦ (ឆ្នាំបើកឲ្យដំណើរការ) ដែល France Football ប្រកាសលើកការប្រកាសពាន Ballon d’Or រយៈពេល ៦ ឆ្នាំ។ អ៊ីចឹងមានន័យថា Lionel Messi នៅតែជាអ្នកការពារជើងឯកចាស់សម្រាប់ពាន Ballon d’Or ដដែល។
រំឭកថាភាពមិនស្មើភាពគឺកើតឡើងជាពិសេសនៅលីគបារាំង ដែលប្រកាសបញ្ចប់រដូវកាលមុនការប្រកួតសេសសល់ជាង ១០ ជុំឯណោះ ហើយការប្រកួតមួយចំនួនផ្សេងទៀតនៅតំបន់អឺរ៉ុបក៏ត្រូវបានផ្អាក ជារួមមិនមានការប្រកួតពេញលេញដូចរាល់ឆ្នាំឡើយ ទើបជាហេតុផលរុញឲ្យការវាយតម្លៃមិនអាចធ្វើទៅបាន៕
ប្រភព៖ Eurosport