Antonella Roccuzzo បានចូលរោងជ័យជាមួយ Lionel Messi នៅខែមិថុនា ឆ្នាំ ២០១៧ ហើយមកទល់ពេលនេះទទួលបានកូនប្រុសដ៏ស្រស់ស្អាត ៣ រូបជាចំណងដៃរួមមាន Thiago, Mateo និង Ciro។
នៅពីក្រោយស្នេហាដ៏ផ្អែមល្ហែមរបស់អ្នកទាំងពីរ ជឿជាក់ថាប្រិយមិត្តជាច្រើន ប្រហែលដឹងច្បាស់រឿងមួយថា Roccuzzo និង Messi គឺមានទំនាក់ទំនងជាមួយគ្នាតាំងពីនៅក្មេង ហើយផ្តើមបង្កាត់ភ្លើងស្នេហ៍ចាប់ដៃគ្នាជាគូជីវិតជាង ១០ ឆ្នាំមកហើយ។ ប៉ុន្តែមានរឿងចាក់ដោតខ្លះ ពាក់ព័ន្ធនឹង Roccuzzo ដែលជាភរិយា អាចមិនសូវមានអ្នកដឹងឡើយ មិនថាតែជីវិតផ្ទាល់ខ្លួនរបស់នាង និងអត្តចរិតពិត។
៤.រៀនទន្តពេទ្យ ចុងក្រោយក្លាយជាតារាម៉ូដែល
តារាស្រីសម្បុរស្រអែម សញ្ជាតិអាហ្សង់ទីនពេញតួរូបនេះ កាលនៅរៀនគឺនាងចាប់យកជំនាញជាទន្តពេទ្យ ឬពេទ្យធ្មេញ ប៉ុន្តែចុងក្រោយបែរជាជ្រើសយកអាជីពជាតារាម៉ូដែលមកទល់សព្វថ្ងៃ។
៣.ជាដៃគូរកស៊ីជាមួយភរិយារបស់ Suarez
Rocuzzo បានចាប់ដៃជាមួយភរិយារបស់ Luis Suarez ដែលជាមិត្តសម្លាញ់ស្វាមីខ្លួន គឺអ្នកនាង Sofia ក្នុងការបើកហាងលក់ស្បែកជើង ជ្រកក្រោមស្លាកយីហោ Sarkany ដែលបច្ចុប្បន្នកំពុងចរាចរក្នុងទីផ្សារនៅប្រទេសអេស្ប៉ាញ។
២.មានស្នាមសាក់ Couple
អាចថាមិនសូវមានអ្នកចាប់អារម្មណ៍ច្រើននោះទេ ដរាបណាអ្នកមិនបានសម្លឹងឲ្យជាក់នៅផ្នែកដៃខាងស្តាំរបស់ Messi និង Rocuzzo។ ដោយអ្នកទាំងពីរបានចាក់សាក់ជាលក្ខណៈ Couple គឺមានរូបសញ្ញា មកុដ ដោយ Messi ជាមកុដសម្រាប់ព្រះអង្គម្ចាស់ និង Rocuzzo ជាមកុដសម្រាប់ម្ចាស់ក្សត្រី។
១.ជាមនុស្សមានអត្តចរិតអៀនខ្មាសបំផុត
អ្នកកម្រនឹងឃើញ Rocuzzo និយាយក្នុងបទសម្ភាសន៍ណាមួយណាស់ ជាការពិតនេះក៏ដោយសារចរិតអៀនខ្មាសរបស់នាងដែលមានជាប់ខ្លួនតាំងពីនៅតូច។ ប្រភពពីគេហទំព័រក្រៅស្រុកបានឲ្យដឹងថា នាងបានបដិសេធមិនទទួលផ្តល់ជូនបទសម្ភាសន៍រាប់ភ្លេចតាំងពីដើមរៀងមក ប៉ុន្តែបើនិយាយពីការថតរូប គឺស្រីស្អាតវ័យ ៣២ ឆ្នាំ ហាក់មិនអៀនក្នុងការបង្ហាញសម្រស់របស់នាងទៅកាន់ Follower ច្រើនជាង ១២ លាននាក់លើ Instagram ឡើយ៕
ប្រភព៖ TheSouthafrican