Rivaldo ជឿជាក់ថាថ្នាក់ដឹកនាំក្រុម FC Barcelona កំពុងពិចារណាបណ្ដេញលោក Setien ចេញពីតំណែងអ្នកចាត់ការក្រុមហើយ បន្ទាប់ពីដឹកនាំមិនបានល្អកន្លងមកនេះ។
តាំងពីក្រុមកំពូលតារាងរហូតធ្លាក់ដល់លេខ២ ហើយចាញ់ពិន្ទុក្រុម Real Madrid ដល់ទៅ៧ពិន្ទុ គឺជាសម្ពាធយ៉ាងខ្លាំងសម្រាប់លោក Setien ក្នុងការដឹកនាំក្រុម។ ដោយឡែកអ្វីដែលពិបាកថែមទៀតនោះគឺប្រធានក្រុម Lionel Messi តែម្ដង ដែលមិនពេញចិត្តទាល់តែសោះសម្រាប់ទម្រង់លេងរបស់លោក Setien ដឹកនាំក្រុមកន្លងមកនេះ។
មើលឃើញរឿងកើតឡើងច្រើនដូច្នេះហើយ ទើបបានជាលោក Rivaldo ដែលជាអតីតកីឡាករ Barcelona ស្រាប់មើលឃើញថាថ្នាក់ដឹកនាំ Barcelona កំពុងពិភាក្សាដើម្បីដកលោក Setien ចោលហើយ។ ការធ្វើបែបនេះ គឺដើម្បីឱ្យកីឡាករសប្បាយចិត្តវិញ ព្រោះពួកគេនៅមានភារកិច្ចក្នុងពាន UEFA Champions League ១ទៀត ដែលត្រូវប៉ះ Napoli ជើងទី២ វគ្គ១៦ក្រុមចុងក្រោយ UCL ៕ប្រភព Marca