ប្រសិនអ្នកជាអ្នកគាំទ្រក្លឹប Man Utd ដ៏ងប់ងុលម្នាក់ ជឿថាបើឲ្យរាប់ឈ្មោះកីឡាករធ្លាប់គ្រងអាវលេខ ៧ នៅ Old Trafford យ៉ាងហោចណាស់ណាស់ក៏អ្នករាប់បាន ៣ រូបដែរ។
ជាការពិតរាប់ទាំង Alexis Sanchez ម្ចាស់អាវលេខ ៧ ចាស់ថ្មីសរុបនៅ Man Utd នារយៈពេលជាង ២០ ឆ្នាំចុងក្រោយ មានចំនួន ៨ រូប ដោយអ្នកគ្រងដំបូងបង្អស់គឺអតីតជើងចាស់លោក Eric Cantona។ ចាប់តាំងពីសម័យកាលនោះ អ្នកដែលគ្រោងអាវលេខ ៧ សុទ្ធសឹងជាកីឡាករជោគជ័យយ៉ាងសម្បើម តែក្រោយការចាកចេញរបស់ CR7 នៅឆ្នាំ ២០០៩ អ្នកបន្តវេនក្រោយៗហាក់មិនទទួលបានផ្លែផ្កា ដែលរុញឲ្យលេខ ៧ កាន់តែអស់តម្លៃនៅក្លឹបបិសាចក្រហម។
តទៅនេះយើងបង្ហាញពីអាជីពបច្ចុប្បន្នរបស់អតីតម្ចាស់អាវលេខ ៧ ទាំង ៧ រូបនៅ Man Utd៖
Eric Cantona
ការប្រកាសឲ្យបោះប្រើប្រាស់លេខលើអាវ ធ្វើឡើងចាប់ពីរដូវកាល ១៩៩៣-៩៤ តទៅ ដោយពេលនោះហើយជាពេលដែល Cantona ក្លាយជាអ្នកគ្រងអាវលេខ ៧ មុនគេបង្អស់។ ១៥៦ ប្រកួតសរុបនៅ PL កីឡាករសញ្ជាតិបារាំងរកបាន ៧៦ គ្រាប់និង Assist ៥៦ លើក។ បច្ចុប្បន្ន Cantona បានដកខ្លួនចេញពីអាជីពបាល់ទាត់ ហើយផ្លាស់មកចូលរួមក្នុងវិស័យសិល្បៈនាមជាតារាសម្តែង និងផលិតករភាពយន្ត។
David Beckham
តដល់សម័យកាលឆ្នាំ ១៩៩៨ Beckham បានក្លាយជាអ្នកបន្តវេនអាវលេខ ៧ បន្ទាប់ពី Cantona ដោយចន្លោះពេលបម្រើអាជីពនៅ United កីឡាករអង់គ្លេសធ្លាប់ឈ្នះពាន PL ៦ លើក FA Cup ២ លើក និង UCL ១ លើក ក្រោមការដឹកនាំរបស់ Sir Alex Ferguson។ បច្ចុប្បន្នលោកជាប្រធានក្លឹបបាល់ទាត់ Inter Miami នៅឯលីគកំពូលសហរដ្ឋអាមេរិក និងមានទ្រព្យរយលានដុល្លារ។
Cristiano Ronaldo
ជាកីឡាករទី ៣ ដែលប្រើប្រាស់អាវលេខ ៧ នៅ United ហើយភាពល្បីល្បាញនៃលេខ ៧ បានចាប់ផ្តើមផ្ទុះកាន់តែខ្លាំងនៅសម័យកាលដែលមានវត្តមានកីឡាករព័រទុយហ្គាល់រូបនេះ។ ឆ្លងកាត់ការលេងឲ្យ Real Madrid ជាង ១០ ឆ្នាំ ក្រោយចាកចេញពី Old Trafford សព្វថ្ងៃ Ronaldo កំពុងលេងឲ្យក្លឹប Juventus។
Michael Owen
នាមជាអ្នកបន្តវេនអាវលេខ ៧ Owen មិនមែនជាបុគ្គលជោគជ័យនោះទេនៅ Man Utd។ ក្រោយពីការចូលនិវត្តនៅឆ្នាំ ២០១៣ បុរសសញ្ជាតិអង់គ្លេស ត្រូវបានគេដឹងថាមានបង្កើតអាជីវកម្មផ្ទាល់ខ្លួនមួយ និងជានិច្ចកាលក៏ធ្លាប់បង្ហាញមុខនាមជាអ្នកអធិប្បាយលើប៉ុស្តិ៍ទូរទស្សន៍អង់គ្លេសមួយផងដែរ។
Antonio Valencia
Valencia ដំបូងឡើយបានប្រើប្រាស់អាវលេខ ២៥ តែដល់រដូវកាល ២០១២/១៣ មានឱកាសបានគ្រងអាវលេខ ៧ ប៉ុន្តែមិនយូរប៉ុន្មាន ដោយសាររងសម្ពាធពេក គេបានត្រលប់មកប្រើលេខអាវចាស់របស់គេវិញ។ មិនមានការបញ្ជាក់ច្បាស់ពីទ្រនំបន្ទាប់របស់គេទេ ក្រោយពីទើបផុតកុងត្រាជាមួយក្លឹប LDU Quito នៅឯប្រទេសកំណើតអេក្វាឌ័រកាលពីថ្ងៃទី ៤ កក្កដា ឆ្នាំ ២០២០ កន្លងទៅ។
Angel di Maria
បិសាចក្រហមបាននាំយក Di Maria ពី Real Madrid នៅតម្លៃបំបែកកំណត់ត្រាជិត ៦០ លានផោន ជាមួយការផ្តល់ជូនអាវលេខ ៧ ជាកិច្ចស្វាគមន៍។ ប៉ុន្តែកីឡាករអាហ្សង់ទីន ក៏មិនបានធ្វើឲ្យអ្នកគាំទ្រចងចាំពីភាពជោគជ័យរបស់គេអ្វីនោះដែរ និងចុងក្រោយនេះបានផ្ទេរមកលេងនៅក្លឹបបារាំង Paris Saint-Germina វិញ។
Memphis Depay
កីឡាករហូឡង់បានផ្ទេរចេញពី PSG មក Man Utd នៅឆ្នាំ ២០១៥ ហើយបានចាកចេញទៅ Lyonនា ២ ឆ្នាំបន្ទាប់នៅសម័យកាលដឹកនាំរបស់លោក Jose Mourinho។ នេះជាម្ចាស់អាវលេខ ៧ ចុងក្រោយបង្អស់មុនត្រូវបានផ្ទេរមកឲ្យ Alexis Sanchez ទល់សព្វថ្ងៃ៕
ប្រភព៖ GiveMeSports