លោក Jurgen Klopp បានយល់ព្រមក្នុងការឱ្យក្លឹប Liverpool ទិញយកខ្សែបម្រើ Thiago Alcantara មករួមក្រុមហើយនៅរដូវក្ដៅខាងមុខនេះ ក្នុងតម្លៃខ្លួន៣៦លានផោន។
Thiago Alcantara បានរួមចំណែកជួយក្រុម Bayern Munich ឈ្នះពាន Bundesliga នារដូវកាលនេះ មុនពេលសាមីខ្លួនបង្ហើបពីគម្រោងចាកចេញ ដើម្បីស្វែងរកក្លឹបថ្មីលេង។ ដោយក្នុងនោះ លោក Klopp ពេញចិត្តកីឡាករអេស្ប៉ាញនេះជាងគេ ហើយលោកក៏បានចែចូវផងដែរ។ កាលពីយប់មិញ មានដំណឹងមកថាក្រុម Liverpool ក៏បានយល់ព្រមលក្ខខណ្ឌផ្ទាល់ខ្លួនជាមួយសាមីខ្លួនហើយដែរ នៅឡើយតែចរចាតម្លៃខ្លួនបន្តិចទៀតប៉ុណ្ណោះ។
កីឡាករវ័យ២៩ឆ្នាំ ដែលជាយុវជនរបស់ក្រុម Barcelona នេះ បានចូលរួមជាមួយក្រុម Bayern Munich កាលពីឆ្នាំ២០១៣កន្លងទៅ ដោយបានបង្ហាញខ្លួន១៥០ប្រកួត និងរកបាន១៧គ្រាប់។ ចាប់តាំងពីចូលលេងឱ្យ Bayern Munich មក រូបគេតែងតែបានជួយក្រុមឈ្នះពានលីគកំពូលអាល្លឺម៉ង់រាល់ឆ្នាំតែម្ដង៕ប្រភព Dailymail
