លោក Florentino Perez ប្រធានក្លឹប Real Madrid បានអះអាងថាប្រធានក្រុម Sergio Ramos អាចបន្ដលេងឱ្យអធិរាជសពេញមួយជីវិតរបស់គេតែម្ដង។
ក្រុម Real Madrid បានលើកពាន La Liga នៅយប់មិញនេះហើយ ដែលជាការលើកពានទី៣៤របស់ខ្លួនក្នុងក្របខណ្ឌលីគកំពូលអេស្ប៉ាញនេះ។ ក្រោយពីបញ្ចប់ការប្រកួតនេះដែរ Ramos ដែលជាប្រធានក្រុមបាននិយាយថាខ្លួនចង់លេងរហូតដល់ចូលនិវត្តន៍នៅក្លឹបនេះតែម្ដង អត់ចង់ទៅណាទៀតទេ។
ឆ្លើយតបជាមួយការស្នើសុំបែបនេះដែរ លោក Perez ប្រធានក្លឹបនិយាយថា៖ “Ramos នឹងនៅទីនេះពេញមួយជីវិតរបស់គាត់។ អ្នកគាំទ្រអាចសម្រាកបានហើយ។ គាត់បានបង្ហាញថាគាត់ជាអ្នកដឹកនាំល្អម្នាក់លើទីលាន។ ក្រុមយល់ចិត្តនិងពេញចិត្តសម្រាប់តួនាទីជាប្រធានក្រុមរបស់គាត់”៕ប្រភព Marca