លោកSetien មិនច្បាស់ពីអនាគតរបស់ខ្លួនឡើយ ក្រោយពីក្រុម Barcelona លេងចាញ់ក្រុម Osasuna ក្នុងលទ្ធផល ២-១ ក្នុងដីខ្លួនឯងនៅយប់មិញនេះ។
ក្រុម Barcelona បានរបូតពាន La Liga ទៅឱ្យក្រុម Real Madrid ហើយ ថែមទាំងប្រកួតនៅយប់មិញនេះពួកគេលេងមិនល្អ រហូតចាញ់ក្រុម Osasuna ថែមទៀត។ បរាជ័យនេះ ជាបន្ទុកយ៉ាងធំសម្រាប់អនាគតរបស់លោក Setien អ្នកចាត់ការក្រុម Barca នាពេលបច្ចុប្បន្ននេះ។ ខណៈដែលប្រធានក្រុម Messi ក៏បានបញ្ជាក់ខ្លួនមិនពេញចិត្តទម្រង់លេងក្រុមឡើយ ហើយបើនៅតែបែបនេះ ប្រកួតទល់ Napoli នឹងបរាជ័យទៀត។
សម្រាប់រឿងនេះដែរ សាមីខ្លួន Setien ក៏មើលឃើញដែរ ដោយលោកអះអាងថាមិនប្រាកដថាអាចបន្ដដឹកនាំក្រុមដល់ប្រកួតទល់ Napoli ឬអត់នោះទេ។ លោក បាននិយាយថា៖ “ខ្ញុំជាអ្នកចាត់ការក្រុម ខ្ញុំជាអ្នកទទួលខុសត្រូវ។ ខ្ញុំសង្ឃឹមថាយើងនឹងបានលេង Champions League រដូវក្ដៅនេះ ដោយក្រុមផ្សេងទៀត ប៉ុន្តែខ្ញុំមិនដឹងច្បាស់ថាអ្វីនឹងកើតឡើងពេលអនាគតទេសម្រាប់ខ្ញុំ”៕ប្រភព Dailymail