អ្នកចាត់ការ Zidane បានជួយក្រុម Real Madrid លើកពាន La Liga រដូវកាលនេះបានហើយ ក្រោយពីយកឈ្នះលើក្រុម Villarreal ក្នុងលទ្ធផល ២-១ នៅយប់មិញ។
រដូវកាលនេះ Real Madrid និង FC Barcelona ប្រជែងគ្នាខ្លាំងតាំងពីដើមរដូវកាលមក។ ដោយមុនផ្ទុះមេរោគ Covid-19 ក្រុម Barcelona ជាអ្នកឈរនៅកំពូលតារាង ហើយ Real Madrid ស្ថិតនៅលេខ២។ ក្រោយមក ពេលស្ងប់មេរោគ Covid-19 ហើយលីគ La Liga ចាប់ផ្ដើមបើកវិញ លទ្ធផលចាប់ផ្ដើមប្រែប្រួលខ្លាំង Real Madrid បន្ដឈ្នះការប្រកួតទាំងអស់ ហើយ Barcelona វិញលេងស្មើ៣ប្រកួត និងចាញ់យប់មិញទៀតធ្វើឱ្យពានធ្លាក់លើដៃក្រុមអធិរាជសទៅហើយ។
ជាមួយការខិតខំប្រឹងប្រែងរហូតទទួលបានពានរង្វាន់នេះ Zidane បានបង្ហាញចំណាប់អារម្មណ៍ថា៖
“វាគឺជាអារម្មណ៍ដ៏អស្ចារ្យ ព្រោះអ្វីដែលសមាជិកក្រុមបានធ្វើពិតជាល្អមែនទែន។ ខ្ញុំរកពាក្យមកនិយាយមិនបាននោះទេ។ Champions League គឺ Champions League ប៉ុន្តែលីគនេះបានធ្វើឱ្យខ្ញុំសប្បាយចិត្តខ្លាំងមែនទែន”៕ប្រភព Marca