Lionel Messi បានមានការខកចិត្តជាខ្លាំង ក្រោយរងបរាជ័យនៅការប្រជែងពាន LaLiga នារដូវកាល ២០១៩/២០ នេះ បន្ទាប់ពី Real Madrid បាននាំមុខ ៧ ពិន្ទុគិតត្រឹមជុំទី ៣៧។
នៅក្នុងដៃរបស់ Barcelona គឺសេសសល់តែពាន UEFA Champions League មួយទៀតតែប៉ុណ្ណោះ ប្រសិនណារបូតទៀត នោះរដូវកាល ២០១៩/២០ នឹងរុញឲ្យអ្នកមានបុណ្យគ្មានពានកាន់នឹងគេសូម្បីមួយ។
នៅជើងទី ១ វគ្គ ១៦ ក្រុមចុងក្រោយ Barcelona ត្រឹមស្មើជាមួយ Napoli ១-១ ខណៈជើងទី ២ ត្រូវកាត់សេចក្តីនៅថ្ងៃទី ៩ សីហា។
ពាក់ព័ន្ធនឹងរឿងនេះ Messi និយាយទាំងស្រងូតស្រងាត់ថា៖ “កាលចាញ់ Roma, Liverpool អ្នកគាំទ្របានអស់ការអត់ធ្មត់ជាមួយពួកយើងរួចទៅហើយ ព្រោះពួកយើងមិនបានផ្តល់គ្រប់យ៉ាងសម្រាប់ពួកគេ បែបនេះប្រសិនយើងចង់តតាំងយកពាន Champions League នោះយើងចាំបាច់ត្រូវតែផ្លាស់ប្តូរ ព្រោះបើនៅតែបែបនេះ យើងនឹងចាញ់ទាំង Napoli ទៀត”៕