Sergio Ramos ក្រោយពីបានឈ្នះពាន LaLiga ជាមួយក្លឹប Real Madrid ដែលជាពានទី ២២ សរុបរបស់គេ គេក៏បានបង្ហាញការសាទរនិងក្តីស្រលាញ់ដ៏លើសលប់ជាមួយក្លឹប រហូតដល់បោះពាក្យពាក់ព័ន្ធនឹងការចូលនិវត្តនៅ Bernabeu ទៀតផង។
និយាយក្រោយចប់ការប្រកួត ខ្សែការពារវ័យចំណាស់និយាយ៖ “ខ្ញុំនឹងនៅទីនេះយូរបំផុត ដរាបណាប្រធានក្លឹបនៅចង់បានខ្ញុំ ដោយខ្ញុំរីករាយហើយចង់បញ្ចប់អាជីពនៅទីនេះ ខ្ញុំសង្ឃឹមថាអាចនឹងចូលនិវត្តនៅ Real Madrid”។
បញ្ជាក់ថាកន្លងមកក៏ធ្លាប់ល្ហៀងៗថា Ramos អាចនឹងចាកចេញក្រោយផុតកុងត្រាសេសសល់ រយៈពេល ១ ឆ្នាំចុងក្រោយនេះដែរ ប៉ុន្តែត្រឹមសម្តីប៉ុណ្ណេះគឺសមល្មមអាចធានាពីអនាគតប្រាកដប្រជារបស់លោកបាន ពោលស៊ីសងតែលើការសម្រេចរបស់ក្លឹបមួយទៀតតែប៉ុណ្ណោះ។
រដូវកាល ២០១៩/២០ គិតត្រឹមជុំទី ៣៧ នៅ LaLiga ខ្សែការពារកណ្ដាល រកបាន ១០ គ្រាប់និង Assist ១ លើកនៅការបង្ហាញខ្លួន ៣៤ ប្រកួតសរុប៕
ប្រភព៖ BeSoccer