FIFA Men’s Player of The Year ​បាន​បញ្ចេញ​បេក្ខភាព​១០​នាក់​ចុង​ក្រោយ ​ដើម្បី​ដណ្ដើម​យកពាន​រង្វាន់​កីឡាករ​ល្អ​ជាង​គេ​ប្រចាំ​ឆ្នាំ​២០១៨​នេះ​ហើយ។

Harry Kane and Mohamed Salah

ក្នុង​នោះ គេ​សង្កេត​ឃើញ​ថា​កីឡាករ​ក្មេង​ៗ​មួយ​ចំនួន​បាន​បង្ហាញ​មុខ ​ដើម្បី​ប្រជែង​ជាមួយ​កីឡាករ​ប្រចាំ​ពាន​រង្វាន់ Cristiano Ronaldo ​និង Lionel Messi ​ហើយ។ កីឡាករ​ទាំង​១០​នាក់​នោះ ​រួម​មាន Harry Kane , Cristiano Ronaldo , Lionel Messi, Eden Hazard , Mohamed Salahr, Kylian Mbappe, Antoine Griezmann, Luka Modric, Kevin De Bruyne ​និង​ Raphael Varane។ កីឡាករ​ទាំង​អស់ សុទ្ធ​តែ​ទទួល​បាន​ការ​គាំទ្រ​ខ្លាំង ​ក្រោយ​ពី​ពួកគេ​បាន​ជួយ​ប្រទេស​និង​ក្លឹប​អាជីព​របស់​ខ្លួន ​បាន​យ៉ាង​ល្អ​នា​រដូវកាល​មុន​នេះ។

Kylian Mbappe and Antoine Griezmann

ដោយ​ឡែក ​ក្នុង​បញ្ជី​ទាំង​១០ ​ហាក់​ដូចជា​មិន​មាន​កំពូល​កីឡាករ​ប្រេស៊ីល Neymar ​ឡើយ។ រូបគេ​បាន​ជាប់​ជា​កីឡាករ​ល្អ​ជាង​គេ​នៅ​លីគ​កំពូល​បារាំង ​រដូវ​កាល​មុន ​ហើយ​រក​គ្រាប់​បាល់​បាន​យ៉ាង​ច្រើន​ឱ្យ​ក្លឹប PSG ​ប៉ុន្តែ​បាន​រង​របួស​ពាក់​កណ្ដាល​រដូវ​កាល ​ក្រោយ​ចាញ់​ក្រុម Real Madrid ​នៅ​ព្រឹត្តិការណ៍ UEFA Champions League ។ មួយ​វិញ​ទៀត ​នៅ​ព្រឹត្តិការណ៍ World Cup ​កន្លង​ទៅ​នេះ ​រូបគេ​ក៏​មិន​អាច​ជួយ​ប្រេស៊ីល​យក​ពាន​រង្វាន់​ត្រលប់​ទៅ​ស្រុក​វិញ​បាន​ដែរ៕ប្រភព៖ dailymail

Cristiano Ronaldo and Lionel Messi

Raphael Varane and Luka Modric

Eden Hazard and Kevin De Bruyne