ខ្សែការពារស្លាបឆ្វេងរបស់ក្លិបភ្នំពេញក្រោនកីឡករសឿត បារាំង បានបង្ហាញអំពីការត្រៀមខ្លួនរបស់ក្រុម មុនជួបជាមួយក្រុមបាតតារាងនគរបាលជាតិក្នុងសប្ដាហ៍ទី៨ពានរង្វាន់ Metfone Cambodian League ដោយរូបគេទោះបីនគរបាលជាតិមិនទាន់ឈ្នះក៏ក្រោនមិនអាចមើលស្រាលបានដែរ។
« ពីរប្រកួតចុងក្រោយរបស់យើង យើងគួរតែឈ្នះច្រើនជាងស្មើរ ហើយវាក៏មិនមែនជាលទ្ធផលអាក្រក់ពេកដែរ ព្រោះយើងនៅរក្សាភាពមិនចាញ់ ប៉ុន្តែយើងដឹងដែលថាមិនមែនជាលទ្ធផលល្អដែលក្រុមចង់បាន ទោះជាយ៉ាងណា យើងនឹងប្រឹងប្រែងនូវការប្រកួតបន្ទាប់សម្រាប់រកលទ្ធផលល្អជូនក្រុម » ។
ជាមួយនឹងការប្រកួតជាមួយក្រុមប៉ូលីសបារាំងបាននិយាយថា៖ « យើងដឹងថាប៉ូលីសមិនមែនជាក្រុមដែលងាយស្រួល ហើយរឹតតែមិនអាចមើលស្រាលបានទេ ប៉ុន្តែយ៉ាងណាពួកយើងតែងតែស្រែកឃ្លានចង់ឈ្នះរាល់ការប្រកួតទាំងអស់ ហើយយើងនឹងប្រឹងប្រែងរកលទ្ធផលល្អសម្រាប់ក្រុមនៅថ្ងៃអាទិត្យនេះ ។ ក្រុមរបស់យើង យើងរឹតតែផ្ដោតអារម្មណ៍ជាប្រកួតមុនៗទៀត ដើម្បីរកជ័យជំនះជូនក្រុម និងអ្នកគាំទ្រ » ។
គួររំលឹកផងដែរថាឆ្លងកាត់ការប្រកួតចំនួន៧សប្តាហ៍កន្លងមកនេះក្រុមភ្នំពេញក្រោនឈ្នះចំនួន៤លើក និងស្មើរ៣លើក មាន១៥ពិន្ទុដោយឈរលេខរៀងទី២នៃតារាងពិន្ទុបណ្តោះអាសន្ន ៕
រូបភាព៖ភ្នំពេញក្រោន