ដោយមើលឃើញពីកត្តាអាយុរបស់ Sergio Aguero កាន់តែជ្រេខ្ពស់ហើយនោះ ក៏រុញឲ្យក្លឹប Manchester City ចាប់ផ្តើមចាប់អារម្មណ៍ជាបណ្តើរៗទៅលើយុវជនស្រករក្រោយ នោះគឺ Lautaro Martinez។ នេះបើតាមរបាយការណ៍ពី Sky Sports បានចុះផ្សាយ។
ខ្សែប្រយុទ្ធរបស់ក្លឹប Inter Milan កន្លងមកល្ហៀងៗថា Barcelona ចង់បានដូចគ្នា ប៉ុន្តែបើនិយាយពីផ្នែកហិរញ្ញវត្ថុក្នុងការហ៊ានចំណាយ គឺ Man City អាចមានប្រៀបជាង ក្រោយឆ្លងផុតការល្មើសច្បាប់ FFP របស់សមាគមបាល់ទាត់អឺរ៉ុប។
តាមតម្លៃខ្លួនរបស់ Lautaro ដែលជាតម្លៃផ្តាច់កុងត្រាគឺថ្លៃប្រមាណ ១០៨ លានអឺរ៉ូ ដែលសមល្មមឲ្យ City លៃលកលើការផ្តល់ជូនសំណើមួយនេះ។
នារដូវកាល ២០១៩/២០ ខ្សែប្រយុទ្ធវ័យ ២២ ឆ្នាំ រកបាន ១៨ គ្រាប់និង Assist ៦ លើកហើយ នៅ ៣៩ ប្រកួតសរុបឲ្យក្លឹប Inter Milan៕
ប្រភព៖ Goal