អតីតប្រធានក្លឹបនៅ Barcelona គឺលោក Joan Laporta បានធ្វើការព្រមានដល់ការសម្រេចចិត្តរបស់ Xavi Hernandez ជុំវិញការមានបំណងចង់មកដឹកនាំនៅក្លឹបអ្នកមានបុណ្យ នាមជាអ្នកចាត់ការ។
កន្លងមក Xavi បានច្រានចោលសំណើមកចាត់ការនៅក្លឹបអេស្ប៉ាញ កាលពីខែមករា ប៉ុន្តែសាមីខ្លួនក៏ធ្លាប់បញ្ជាក់ថារឿងខ្លួនទៅដឹកនាំនៅ Camp Nou អាចនឹងកើតឡើងនៅពេលខាងមុខ។
បញ្ជាក់ប្រាប់ពីលោក Laporta បានសង្កត់ធ្ងន់ថា៖ “ប្រសិនខ្ញុំជា Xavi ខ្ញុំគ្មានថ្ងៃទៅចូលរួមនៅ Barca ទាំងក្រោមការដឹកនាំរបស់ក្រុមប្រឹក្សាភិបាលជាន់ខ្ពស់ប្រភេទហ្នឹងឡើយ”។
នេះជាសារដែលលោកចង់រិះគន់ដល់ចំណាត់ការជាន់ខ្ពស់របស់ក្លឹប Barcelona ហើយមិនត្រឹមតែ Xavi ទេ លោក Laporta ក៏បានបង្ហាញការយល់ឃើញថា Messi អាចនឹងចាកចេញដោយសាររឿងមួយហ្នឹងផងដែរ [មិនលម្អិតច្បាស់ថាមានរឿងខុសឆ្គងអ្វីខ្លះក្រោមការដឹកនាំរបស់ថ្នាក់លើបច្ចុប្បន្ន]៕
ប្រភព៖ AF