រដូវកាល ២០១៩/២០ នឹងបញ្ចប់នៅចុងខែកក្កដានេះហើយ សម្រាប់ក្របខ័ណ្ឌកំពូលអង់គ្លេស Premier League។
ដោយឡែកកាលបរិច្ឆេទទីផ្សារដោះដូរក៏ត្រូវបានអនុម័តចេញពី FIFA ដោយបានកំណត់យកថ្ងៃទី ២៧ កក្កដា ជាថ្ងៃបើកទ្វារទីផ្សារដោះដូររដូវក្តៅ ហើយបិទទៅវិញនៅថ្ងៃទី ៥ តុលា។
បែបនេះមានន័យថារាល់បណ្តាក្លឹបទាំងអស់អាចមានសិទ្ធចរចានាំយកកីឡាករចូលក្លឹប ចាប់ពីថ្ងៃទីមួយក្រោយបញ្ចប់រដូវកាល ២០១៩/២០ ហើយមានថេរវេលាចរចាប្រមាណ ១០ សប្តាហ៍។ យ៉ាងណាមិញសម្រាប់ក្លឹបនៅលីគ Championship, League One និង League Two គឺមានសិទ្ធពិសេសអាចចុះហត្ថលេខាយកកីឡាករនៅលក្ខខណ្ឌបន្ទាន់បាន នាចន្លោះថ្ងៃ ៥ ដល់ ១៦ តុលា។
បញ្ជាក់ថានៅ PL មានកីឡាករធំៗ ២ ហើយដែលបានប្រកាស តួយ៉ាងដូចជាការនាំយក Timo Werner និង Hakim Ziyech បែបនេះពួកគេរង់ចាំតែដល់ថ្ងៃបង្ហាញវត្តមានលើទីលាននារដូវកាលថ្មីតែប៉ុណ្ណោះ៕
ប្រភព៖ AF