ការប្រកួតនៅ LaLiga បានឈានមកដល់ជុំទី ៣៦ ហើយ ដោយក្លឹប Real Madrid អាចនឹងប្រកាសក្លាយជាក្រុមឈ្នះពាននៅរាត្រីនេះប្រសិនអាចយកឈ្នះទៅលើ Villarreal។
សម្រាប់ក្លឹប Real Madrid នារដូវកាល ២០១៩/២០ គឺមានការបំប៉ោងសំណាញ់ទីពីសំណាក់កីឡាករទាំង ២១ រូបផ្សេងពីគ្នាហើយ ដោយក្នុងនោះនៅសល់តែ ៥ រូបទៀតប៉ុណ្ណោះមិនទាន់អាចបំប៉ោងសំណាញ់ទី ហើយមាន ៣ រូបដែលមិនមែនជាអ្នកចាំទី។
បើយើងមិនរាប់ Courtois និង Areola គឺ Brahim Diaz, Eder Militao និង Alvaro Odriozola ដែលមិនទាន់ស្គាល់រសជាតិបាល់បញ្ចូលទីសូម្បីមួយគ្រាប់នៅក្របខ័ណ្ឌ LaLiga។
សម្រាប់ Diaz បានបង្ហាញខ្លួន ៣៣ នាទីគត់លើទីលាននៅ ៥ ប្រកួតក្នុងលីគសរុប ស្របពេលដែល Militao បង្ហាញខ្លួនញឹកញាប់ដែរនាមជាខ្សែការពារតែមិនអាចធ្វើបាន ហើយ Odriozola ក្រោយផ្ទេរនៅលក្ខខណ្ឌខ្ចីជើងចេញពី Bayern ក៏មិនទាន់រកបានគ្រាប់បាល់ដែរ៕
ប្រភព៖ AF