ខ្សែបម្រើ Paul Pogba ទំនងជាព្រមបន្ដកុងត្រាជាមួយក្រុម Manchester United ចំនួន៥ឆ្នាំទៀត បន្ទាប់ពីរូបគេកំពុងពេញចិត្តទម្រង់លេងរបស់ Ole នាពេលបច្ចុប្បន្ននេះ។កាលពីរដូវកាលមុន Pogba បានបង្ហាញការមិនសប្បាយចិត្តនៅ Man Utd និងចង់ចាកចេញពីក្រុមនេះដើម្បីទៅលេងនៅ Juventus វិញឬក្រុម Real Madrid ។ តែសម្រាប់រដូវកាលនេះវិញ បន្ទាប់ពីមានវត្តមានរបស់ Bruno មក កីឡាករបារាំងចាប់ផ្ដើមសប្បាយចិត្តជាមួយសមាជិកក្រុម និងបង្ហាញទម្រង់លេងល្អឡើងវិញផងដែរ។
ខ្សែបម្រើវ័យ២៧ឆ្នាំនេះ ត្រូវបានគេដឹងថាកាន់តែកៀកក្នុងការតកុងត្រាថ្មីទៀតហើយ។ ដោយកុងត្រាថ្មីនោះអាចមានរយៈពេលដល់ទៅ៥ឆ្នាំឯណោះ។ ខណៈដែលកុងត្រាចាស់វិញ នឹងចប់នៅរដូវកាលក្រោយ។ លោក Ole អ្នកចាត់ការក្រុម Man Utd ក៏មានទំនុកចិត្តថាអតីតកីឡាករ Juventus ម្នាក់នេះ នឹងបន្ដលេងនៅ Old Trafford ច្រើនឆ្នាំទៀតដែរ៕