ក្រុម Juventus បានត្រឹមស្មើក្រុម Sassuolo ក្នុងលទ្ធផល ៣-៣ សម្រាប់ការប្រកួត Serie A សប្ដាហ៍ទី៣៣កន្លងទៅនេះ ហើយវាក៏ជាប្រកួតស្មើជាថ្មីទៀតសម្រាប់លោក Sarri ផងដែរ។ក្រុម Juventus ជាអ្នករកគ្រាប់បាល់នាំមុខបានដល់ទៅ២គ្រាប់មុន ដោយ Danilo នាទី៥ និង Higuain នាទី១២។ តែក្រោយមក ក្រុម Sassuolo ក៏អាចវាយបកបានវិញ ដោយគ្រាប់ទី១នៅនាទី២៩ ទី២នៅនាទី៥១ និងទី៣នៅនាទី៥៤។ ដោយឡែក១គ្រាប់តាមស្មើវិញរបស់ Juventus ធ្វើបានសម្រេចដោយ Alex Sandro នៅនាទី៦៤។ ក្រុមទាំងពីរ រក្សាលទ្ធផលស្មើគ្នា ៣-៣ នេះរហូតដល់ចប់ការប្រកួតតែម្ដង។
លទ្ធផលស្មើ៣ប្រកួតចុងក្រោយ ស្មើ២និងចាញ់១នេះ ធ្វើឱ្យ Juventus រក្សាគម្លាតពីក្រុមលេខ២ Atalanta ត្រឹមតែ៧ពិន្ទុប៉ុណ្ណោះ ខណៈដែលការប្រកួតនៅសល់៥ប្រកួតទៀតទើបចប់រដូវកាល។ ៣ប្រកួតកន្លងមករបស់ Juventus សុទ្ធតែរកគ្រាប់បាល់បានមុខនាំមុខ២គ្រាប់ ប៉ុន្តែបែរជាបណ្ដោយឱ្យដៃគូប្រកួតស្វែងរកគ្រាប់បាល់បានវិញរហូត៕
ប្រភព៖ DailyMail