ក្រុម Chelsea បានយកឈ្នះលើក្រុមបាតតារាង Norwich ក្នុងលទ្ធផល ១-០ ក្នុងការប្រកួត Premier League សប្ដាហ៍ទី៣៦កន្លងទៅនេះ។តោខៀវ បើទោះជាប៉ះក្រុមត្រូវកាត់ចោលទៅលេងនៅលីគទី២ទៅហើយក្ដី ប៉ុន្តែពួកគេហាក់ដូចជានៅតែពិបាកក្នុងការស្វែងរកគ្រាប់បាល់ដដែល។ ជាក់ស្ដែង ១គ្រាប់ដែលធ្វើបានដោយ Giroud នោះធ្វើបានសម្រេចនៅនាទី៤៥+៣ចុងតង់ទី១។ សម្រាប់ការធ្វើបាន៣ពិន្ទុនេះ ក្រុម Chelsea អាចនិយាយបានថារក្សាតំណែងលេខ៣របស់ខ្លួនបានសម្រាប់សប្ដាហ៍ទី៣៦ហើយ។
លោក Lampard បាននិយាយដែរថាក្រុមរបស់លោកមានចំណុចត្រូវកែលម្អច្រើនទៀតសម្រាប់រដូវកាលក្រោយ។ ដោយឡែកចំណាត់ថ្នាក់នៅក្នុង Top4 វិញ ក៏មិនទាន់អាចធានាបានយ៉ាងណាដែរ៕ប្រភព៖ DailyMail