ខ្សែប្រយុទ្ធ Luiz Suarez បាននិយាយថារដូវកាលនេះ ក្រុម FC Barcelona ជាអ្នកបណ្ដោយឱ្យពានរង្វាន់ La Liga រសាត់ទៅដៃរបស់ Real Madrid ដោយខ្លួនឯង។
នៅសល់២ប្រកួតទៀតនឹងចប់រដូវកាល La Liga ហើយ ដោយបច្ចុប្បន្នក្រុម Real Madrid កំពុងនាំមុខក្រុម FC Barcelona ចំនួន៤ពិន្ទុ។ គម្លាតនេះ បានធ្វើឱ្យ Suarez យល់ឃើញថាក្រុមរបស់ខ្លួន បាត់ពានរង្វាន់ La Liga ទៅហើយ ព្រោះ២ប្រកួតនៅសល់នេះ ក្រុមអធិរាជសនឹងមិនបណ្ដោយឱ្យបរាជ័យនោះទេ។
ដោយឡែកសម្រាប់មតិយោបល់នៅរដូវកាលនេះវិញ អតីតកីឡាករ Liverpool ខាងលើបាននិយាយថា៖ “យើងត្រូវតែបន្ទោសលើខ្លួនរបស់ពួកយើង។ យើងបានឱ្យពានរង្វាន់ចាកចេញពីយើងដោយខ្លួនឯង។ យើងមិនអាចបន្ទោសនរណាបានឡើយ។ ពេលនេះដើម្បីជាតម្លៃរបស់ Barcelona យើងនឹងប្រឹងប្រែងយកឈ្នះ២ប្រកួតនៅសល់ ហើយផ្ដោតលើពាន UEFA Champions League វិញម្ដង”៕ប្រភព MARCA