កាំភ្លើងធំ Arsenal នឹងត្រូវតតាំងជាមួយក្រុមកំពូលតារាង Liverpool នៅម៉ោង២:១៥នាទីរំលងអាធ្រាត្រនេះ សម្រាប់សប្ដាហ៍ទី៣៦នៃពានរង្វាន់ English Premier League ។
សម្រាប់ការប្រកួតនេះដែរ ក្រុម Arsenal ត្រូវការឈ្នះជាចាំបាច់បំផុត ព្រោះបច្ចុប្បន្ននេះពួកគេនៅពាក់កណ្ដាលតារាងទៅហើយ។ ស្របពេល Liverpool វិញ ជាក្រុមឈ្នះពានរង្វាន់ Premier League ទៅហើយ ប៉ុន្តែពួកគេក៏ត្រូវការឈ្នះទៀតដូចគ្នា ដើម្បីបំបែកកំណត់ត្រាជាច្រើនទៀតសម្រាប់រដូវកាលនេះ ក្រោមការដឹកនាំរបស់លោក Klopp ។
មុនការប្រកួតនេះចាប់ផ្ដើមដែរ កីឡាករតម្លៃខ្លួនខ្ពស់ជាងគេនៅ Arsenal គឺ Ozil បានបង្ហោះថារូបគេត្រៀមរួចហើយសម្រាប់ការត្រលប់ចូលទីលានវិញ។ កីឡាករអាល្លឺម៉ង់នេះ តាំងពីបើករដូវកាលវិញមក មិនទាន់បានបង្ហាញសមត្ថភាពទេ ដោយសារតែមានបញ្ហារបួសឆ្អឹងខ្នង។ យ៉ាងណាមិញ ការបង្ហាញខ្លួនចូលហាត់ជាធម្មតាវិញនោះ អាចទំនងជារូបគេជាសះស្បើយនិងចូលលេងបានវិញហើយ៕ប្រភព DailyMail
