Chelsea នឹងត្រូវតតាំង Norwich City នាជុំទី ៣៦ នៅក្របខ័ណ្ឌ Premier League ក្នុងគោលដៅប្រកួតប្រជែងកៅអី Top 4 ដែលកំពុងប្រកៀកប្រកិតជាមួយនឹងក្លឹប Man Utd ក៏ដូចជា Leicester City។
មុនឈានដល់ការប្រកួត អ្នកចាត់ការលោក Frank Lampard បានបញ្ជាក់ជាផ្លូវការហើយថា N’Golo Kante ដែលជាកីឡាករស្នូលនៅតំបន់បម្រើ នឹងត្រូវបន្តអវត្តមានក្រោយកំពុងសម្រាកព្យាបាលរបួសសរសៃពួរ។
Kante នារដូវកាល ២០១៩/២០ បង្ហាញខ្លួនឲ្យតោខៀវបាន ២២ ប្រកួត ប៉ុន្តែនៅ ៣ ប្រកួតចុងក្រោយបានខកខានជួយក្លឹប ក្រោយរងរបួសលើទីលាន។
នៅយប់នេះតំបន់បម្រើរបស់ Chelsea អាចនឹងប្រើប្រាស់កីឡាករដូចប្រកួតមុនៗដដែល រួមមាន Mount, Jorinho ឬ Barkley ប៉ុន្តែការតតាំងយក ៣ ពិន្ទុចាំបាច់ត្រូវតែយកឲ្យបាន ព្រោះឱកាសប្រជែងកៅអី UCL គឺស៊ីសងលើប៉ុន្មានប្រកួតសេសសល់ហ្នឹងហើយ៕
ប្រភព៖ AF