ក្លឹប Manchester City ត្រូវបានគេរាយការណ៍ថាកំពុងបើកការចរចាដ៏សំខាន់មួយ ជាមួយអ្នកចាត់ការលោក Pep Guardiola ជុំវិញការបន្តកុងត្រាថ្មី ក្រោយក្លឹបរួចផុតពីទណ្ឌកម្មព្យួរឈ្មោះ ២ ឆ្នាំមិនឲ្យលេងនៅ UCL។
កុងត្រារបស់ Guardiola នៅ City គឺសេសសល់រយៈពេលតែ ១ ឆ្នាំទៀតប៉ុណ្ណោះ ហើយកាលពីដើមឆ្នាំ ២០២០ ល្ហៀងៗថាលោកអាចចាកចេញ ក្រោយលឺរឿង UEFA បើកការស៊ើបអង្កេតការល្មើសច្បាប់របស់ Man City។
តាម The Mirror បានឲ្យដឹងថា Pep អាចនឹងទម្លាក់ចុងប៊ិចចុះហត្ថលេខាបន្តការឈរជើងរយៈពេលយូរបន្ថែមទៀតនៅមេឃខៀវ ក្រោយរឿងជាមួយ UEFA បានដោះស្រាយរួចរាល់។ បញ្ជាក់ថាក្រៅពីការចរចាជាមួយ Pep ក្លឹបក៏ត្រៀមលុយខ្ទាស់ធំ ចង់ចាយយកកីឡាករឆ្នើមជាច្រើនមកបន្ថែមការប្រកួតប្រជែងជាមួយ Liverpool ផងដែរ៕
ប្រភព៖ Sportsmole