ការប្រកួតនៅ LaLiga បានឈានមកដល់ជុំទី ៣៦ ហើយ ដោយប្រកួតសេសសល់ ២ ជុំនឹងបញ្ចប់ត្រឹមសប្តាហ៍ក្រោយនេះ។ បច្ចុប្បន្នស្តេចសនាំមុខលើអ្នកមានបុណ្យ ៤ ពិន្ទុ ដែលរុញឲ្យលទ្ធផលសម្រេចក្រុមឈ្នះពាន អាចនឹងធ្វើទៅបានត្រឹមប្រកួតនាជុំទី ៣៧។
រូបកាលឈ្នះពាន LaLiga ទី ៣៣
Real Madrid នឹងត្រូវប៉ះ Villarreal នាថ្ងៃសុក្រ វេលាម៉ោង ០២:០០ នាទីរំលងអាធ្រាត្រ ស្របពេលដែលថ្ងៃដដែល Barcelona ត្រូវប៉ះ Osasuna។ តាមលំដាប់ពិន្ទុ Real ត្រូវការតែ ២ ពិន្ទុប៉ុណ្ណោះដើម្បីលើកពាន បែបនេះបើនៅជុំទី ៣៧ ក្រុមរបស់ Zidane អាចទទួលបានជ័យជម្នះ នោះម្ចាស់ជើងឯក LaLiga ១៩/២០ នឹងត្រូវបានរកឃើញហើយ។
មួយផ្សេងទៀតប្រសិនណា Barcelona រងបរាជ័យ ហើយ Real រងបរាជ័យដូចគ្នានោះ ក៏នៅតែជា Real ក្លាយជាក្រុមឈ្នះពានដដែល។
លទ្ធផលចុងក្រោយប្រសិនណា Real ស្មើ នោះត្រូវរង់ចាំមួយប្រកួតចុងក្រោយទៀតពេលប៉ះ Leganes ហើយត្រូវការលទ្ធផលស្មើជាចាំបាច់ ដើម្បីក្លាយជាម្ចាស់ពាន LaLiga៕