ក្រុម Manchester City បានរួចផុតពីការពិន័យរបស់ UEFA មិនឱ្យលេង Champions League ២ឆ្នាំហើយ ក្រោយពីពួកគេប្ដឹងតវ៉ាជោគជ័យកាលពីម្សិលមិញនេះ។
ដូច្នេះមានន័យថាក្រុមរបស់លោក Pep នៅតែអាចមានវត្តមានលេងនៅពានរង្វាន់ធំប្រចាំទ្វីបអឺរ៉ុបបានដដែល។ ជាមួយការត្រៀមខ្លួនសម្រាប់លេងនៅរដូវកាលក្រោយនេះដែរ លោក Pep បានមើលឃើញកីឡាករត្រូវទិញយកចំនួន៤នាក់ដំបូងហើយ។ ដោយ៤នាក់នោះរួមមាន Lautaro Martinez, David Alaba, Ferran Torres និង Kalidou Koulibaly។ ក្នុងចំណោម៤នាក់នេះ គ្រាន់តែ Lautaro Martinez ម្នាក់របស់ Inter Milan ត្រូវបានគេដឹងថាតម្លៃខ្លួនមិនក្រោម១០០លានផោននោះទេ។
រំលឹកថា Man City ត្បិតតែអាចរួចផុតពិន័យមែន ប៉ុន្តែពួកគេត្រូវសងប្រាក់ប្រមាណជា៩លានផោនវិញសម្រាប់ជាការពិន័យរបស់ UEFA ។ ហើយការចោទប្រកាន់កន្លងទៅនោះ កើតឡើងដោយសារតែគេរកឃើញថាក្លឹបអង់គ្លេសនេះ ចំណាយច្រើនលើសកំណត់កាលពីឆ្នាំ ២០១៤និង២០១៦កន្លងទៅ៕ប្រភព Dailymail