ប្រធានក្រុម Sergio Ramos រំពឹងថាក្រុម Real Madrid នឹងក្លាយជាជើងឯក La Liga នៅថ្ងៃព្រហស្បតិ៍នេះតែម្ដង ក្នុងការប្រកួតទល់ក្រុម Villarreal ។
ក្រោយពីឈ្នះក្រុម Granada ក្នុងលទ្ធផល ២-១ នៅយប់មិញនេះ ក្រុម Real Madrid កាន់តែកៀកក្នុងការឈ្នះពានរង្វាន់ La Liga ហើយ។ ដោយ២ប្រកួតនៅសល់ខាងមុខនេះ គឺពួកគេត្រូវការតែ២ពិន្ទុប៉ុណ្ណោះដើម្បីក្លាយជាជើងឯកសម្រាប់រដូវកាលនេះ ហើយបើប្រកួតទី៣៧ ឈ្នះ នោះ Real Madrid ក្លាយជាជើងឯកស្វ័យប្រវត្តិតែម្ដង។
ប្រធានក្រុម Ramos បាននិយាយថា៖ “យើងអត់ទាន់ឈ្នះអីទេ។ វាស្ថិតក្នុងដៃរបស់យើង ហើយនៅសល់ការប្រកួតខាងមុខទៀតដែលយើងត្រូវការឈ្នះ។ តាំងពីបើករដូវកាលមក គោលដៅយើងគឺឈ្នះពានរង្វាន់នេះ ហើយបច្ចុប្បន្នយើងកំពុងធ្វើការលើវា។ ខ្ញុំសង្ឃឹមថាយើងនឹងអាចអបអរបាននៅថ្ងៃព្រហស្បតិ៍នេះ”៕ប្រភព Marca
