Philippe Coutinho មិនទាន់លេចលឺដំណឹងចាកចេញច្បាស់ការណាមួយនោះទេ ប៉ុន្តែសម្រាប់អាវលេខ ១០ របស់គេគឺត្រូវផ្ទេរចេញទៅឲ្យអ្នកថ្មីហើយ នោះគឺ Leroy Sane។
Leroy Sane នឹងប្រើប្រាស់អាវលេខ ១០ របស់ Coutinho ចាប់ពីរដូវកាលក្រោយ ដែលគេលេងឲ្យក្លឹប Bayern Munich។
បញ្ជាក់ជាផ្លូវការពីក្លឹប៖ “ដោយផ្អែកតាមការគោរពដល់ Philippe Coutinho ដែលគេប្រើប្រាស់អាវលេខ ១០ បច្ចុប្បន្ន និងអាចនឹងលេងនៅប្រកួតបន្ទាប់នៃវគ្គផ្ដាច់ព្រ័ត្រ DFB-Pokal ឬប្រកួតណាមួយនៅ UCL នាខែសីហា អ៊ីចឹង Sane សម្រេចមិនប្រើប្រាស់លេខអាវរបស់គាត់នៅរូបភាពចុះហត្ថលេខាផ្លូវការនោះទេ”។
បញ្ជាក់ថា Bayern បានប្រកាសពីដំណឹងផ្លូវការនៃការចុះហត្ថលេខាយក Sane កាលពីថ្ងៃសុក្រសប្តាហ៍មុន ជាមួយតម្លៃ ៦០ លានអឺរ៉ូ លើកុងត្រារយៈពេល ៥ ឆ្នាំ៕
ប្រភព៖ AF