លោក Setien អ្នកចាត់ការក្រុម FC Barcelona បាននិយាយថាខ្សែប្រយុទ្ធ Lionel Messi អាចនឹងហត់នឿយខ្លាំង ហើយត្រូវការពេលវេលាដើម្បីសម្រាកខ្លះហើយ។ក្រុមBarcelona បានយកឈ្នះលើក្រុម Valladolid ក្នុងលទ្ធផល ១-០ កាលពីយប់មិញនេះ ធ្វើឱ្យពួកគេមានសង្ឃឹមបន្ដប្រជែងពានជាមួយ Real Madrid បានទៀតហើយ។ តែបើមើលទៅលើទម្រង់លេងរបស់ក្រុមអ្នកមានបុណ្យបច្ចុប្បន្ននេះវិញ ឃើញថាការប្រយុទ្ធរបស់ពួកគេហាក់ដូចជាមិនច្បាស់លាស់ដូចមុននោះទេ ហើយ Messi ផ្ទាល់ក៏ហាក់ដូចជានឿយហត់ណាស់ដែរ សម្រាប់ការប្រកួតជាប់ៗគ្នាខ្លាំងពេកនេះ។
លោក Setien អ្នកចាត់ការក្រុមអ្នកមានបុណ្យក៏បានមើលឃើញចំណុចនេះដូចគ្នា។ តែអ្វីដែលលោកមិនអាចឱ្យប្រធានក្រុមរូបនេះសម្រាក គឺគ្រប់ការប្រកួតទាំងអស់សុទ្ធតែសំខាន់ ហើយពិតជាស្វិតស្វាញខ្លាំងណាស់ ដែលតម្រូវឱ្យក្រុមត្រូវការអ្នកដឹកនាំល្អម្នាក់លើទីលាន។ លោក Setien ក៏បាននិយាយទៀតថាប្រសិនបើការប្រកួតណាដែលក្រុម Barcelona តង់ទី១រកបានច្រើនគ្រាប់ នោះនៅតង់ទី២ លោកនឹងឱ្យ Messi សម្រាកហើយ៕
ប្រភព៖ Marca