Ryan Lochte កីឡាករហែលទឹកអាមេរិក ត្រូវជាប់បម្រាម១ឆ្នាំមិនឱ្យចូលលេងកីឡាណាទាំងអស់ បន្ទាប់ពីរូបគេបានបង្ហោះរូបដាក់សឺរ៉ូមនៅ លើបណ្ដាញសង្គម Instagram ។
ការដាក់ពិន័យនេះ គឺដោយសារតែរូបគេធ្វើខុសពីលក្ខខណ្ឌហាមបង្ហោះរូបខាងលើ ដោយអង្គភាព US Anti-Doping Agency (Usada) របស់អាមេរិក។ អ្នកហែលទឹកវ័យ៣៣ឆ្នាំខាងលើនេះមិនមានពាក្យអ្វីតវ៉ាឡើយ ដោយរូបគេបានយល់ព្រមចំពោះការដាក់ពិន័យនេះ ហើយបានផ្ដាំទៅអត្តពលិកដទៃថាហាមយកគំរូតាមរូបគេ។
Lochte ជាកំពូលអ្នកហែលទឹករបស់អាមេរិក បន្ទាប់ពី Michael Phelps ។ រូបគេធ្លាប់ឈ្នះបានមេដាយអូឡាំពិក១២ដងមកហើយ គិតត្រឹមឆ្នាំ២០១៨នេះ។ តែទោះជាយ៉ាងនេះក្ដី នៅអាមេរិកគឺហាមដាច់ខាតចំពោះ ការថតបង្ហោះពីសភាពជំងឺរបស់ខ្លួនរបស់អត្តពលិកម្នាក់ៗ។ បើមិនដូច្នេះទេ ពួកគេនឹងទទួលការពិន័យជាក់ជាមិនខាន៕
